تعبت والله تعبت ,,!!
شفيج عسى ماشر!
ياختي من الصبح وأنا واقفه على ريولي في المطبخ احاول انظف هالصحون الي كله اطرافها زيت
والا بقايا اكل وهالخدامة ماتنظف زين كل ما اقولها اغسليهن تقولي أنا يغسل!!
عجيب!! وليش ماينغسلن !! كل شيء يتنظف!!
مادري تعبت وأنا افرك هالجدور والصحون!! ويالله يالله طلعت بكم صحن وجدر!
أنتي كيف تغسلينهن!! بالماي والليفه!
عجيب!!
عطيني عطيني أهوووو اغسل !!
لا تحطين صابوون يختربن لالالالا لاتستخدمين الليفه الحديد!!
ياختي ماراح تروح هالبقع الا بالغسيل الزين,, الغسيل الي يطهرها من كل الشوائب
ونحن قلوبنا مثل هالصحون ونياتنا ما تصلح الا لما ينطهر قلوبنا من كل بقعة او ذرة كبر
اوكره او حقد وحسد او أي شيء يذمه رب العالمين..!
مافهمت شنو قصدج.!
قصدي يا بنت أمي وابوي,, الانسان في جسمه مضغه اذا صلحة صلح سائر الجسد
الا وهو القلب اذا أصلحنا قلوبنا ونواينا أعمالنا راح تكون مثل هالصحن شورايج يلمع مووو 
آآيه له الواحد ياكل فيه مجبوس دياي ..!
هههه والقلب النظيف له محبين وناس تعزه اكثر,,
" إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ "
0 التعليقات:
إرسال تعليق