آيه ان شاء الله نجوفج على خير
في امان الله ,,
مع السلامة
يمّه .. منو تحاجين في التلفون؟؟
هذي بنت خالتي وفاء بتزورنا بكره
صدق ؟؟ وحليلها من زماان عنها شخبارها؟؟
الحمدلله بتزورنا ان شاء الله هي و بنيتها ..
يييه يعني لازم نسوي فطور عدل 
ان شاء الله..
انا عليه الحلووو
ويمّه انتي عليج مطبق زبيدي و هريس
وهنادي عليها الفطائر بأنواعها
ونويرة عليها المجبوس دياي وبلاليط
هيه زين ونخلي الخدامة تسوي لازنيا ومحاشي
وانا اسوي التانج والفيمتو,,
وااافديت جعدتي ..
يوم الزيارة:
حيالله بالزين حيالله من نور البيت ,,
حياج الغالية ,, عيل وينها بنيتج ..؟
الله يحيج يالغالية البيت منور باهله يا عيوني..
سعاد راحت بيت رفيجتها من ايام الجامعة ما تلقوا .. نزلتني وراحت
وبترجع بعد صلاة التراويح تاخذني..
آآي وحليلها ..
تفضلي على طاولة الطعام شوي و بياذن ..
تسلمين كلفتوا عماركم والله .,,
لا كلافة ولا شيء من متى الى متى تنورين البيت
عاد انا تعرفين راعية سكر وضعط وقالون يعني ما اكل أي شيء..!!
كلي الي ريحج حبيبتي..
زين نجبيلي من مطبق زبيدي شوي وهريس وكم فطيرة ..
خالتي طعمي المجبوس انا مسوتنه..
لا وين يالغالية يعطيج العافية ما اقدر عليه القولون بينفجر عليه
ويييييه بسم الله عليج شو هالحجي..!!
وانتهت الزيارة..!!
يمّه واييد باقي اكل !!
شو نسوي ما كلت شيء قطي في الزبالة ما احب شيء يكون بايت في ثلاجتي!
قال تعالى :" وَكُلُواْ وَاشْرَبُواْ وَلاَ تُسْرِفُواْ إِنَّهُ لاَ يُحِبُّ الْمُسْرِفِينَ "
الاعراف 31
نور حياتك يقولكم..:
لا ليش حرام وايييد !!
انا عندي اقتراح ليش ما تعطونه لراعي البقالة ومحلات القريبة ياكلون منها الآسيوية؟
او اتصلوا على المراكز المختصه بتجميع الطعام الزائد
1 التعليقات:
مشكووووورة يالمبدعه
أسلوبك حيل خطييييييير
وبالنهاية ذكرتي الفكرة ربي يسعدك ويوفقك
إرسال تعليق